Urbi BHI-ko Bloga

Aurreko ostiralean, urtarrilak 17, Biologia eta Geologia-ko mintegiak  Batxillergoko ikasleentzat txangoa antolatu zuen. Goizean, Sopelako flyscha aztertu genuen eta eguerdian, Plentziako Itsas Estaziora joan ginen bisitan. Argazkian, dinosaurioak desagertu zireneko geruza (k/t muga) sedimentarioa aztertzen Sopelan.

Azarotik, gure Agenda 21-eko proiektuaren ikasleen komisioak badaude lanean, hondakinen kudeaketan, eskolako ortuan eta hainbeste kanpainetan murgilduta. Gora ikasleak!

  Abenduaren 12an, ostegunean, egin genuen topaketa Iruñean, “Kantu kontari!” eTwinning proiektuaren barneko ekintza gisa. Orain artean, eta ikasturtea amaitu bitartean, jardungo dugu online elkarlanean Atarrabiako Paz de Ziganda, ikastetxearekin, Donibane Lohitzuneko Maurice Ravel kolegioarekin eta Zarauzko Lizardi ikastetxearekin. Horietako irakasleak eta ikaseak aurrez aurre elkar ezagutzeko parada izan genuen. Aldi berean, Iruñeko hainbat txoko eta udaletxea ezagutu genituen. 10:30ean genuen hitzordua Gaztelu enparantzan. Lehen aurkezpenak egin ondoren, taldeak osatu genituen, koloretako zintekin identifikatu ziren eta kartelak egin zituzten “Kantu kontari!” lemarekin.  Gero, Iruñeko hainbat txoko modu aktiboan ezagutzeko ginkana egin genuen: Zaldi Zuria, harresiak, San Zernin eliza, Sarasate pasealekua, Katedrala, Labrit eta Jito Alai... Hiriko mapa eskuan hartuta, ginkanak ezarritako lekuak bisitatu eta galderei erantzun zieten taldeek, baita argazkiak...

AZAROAREN 29TIK ABENDUAREN 4RA URBI INSTITUTUAK BRUSELASEKO PARLAMENTUA BISITATU DU DUEN ERASMUS+ PROIEKTUAREN BARNEAN  Urbi institutuak +Participatory Democracy, +Active Citizenship Erasmus+ proiektua garatuko du 2 urtetan zehar (2019-20/ 2020-21) kanpoko 2 ikastetxerekin batera (Portugaleko Vila Nova de Famalicao Camilo Castelo Branco ikastetxe eta Lituania ko Siauliai hiriko Siliauliu Juliaus Janonio Gimnazija ikastetxearekin). Proiektuaren helburuak hauexek dira: hizkuntza komunikaziorako gaitasuna indartzea ama eta atzerriko hizkuntzetan. Europar herritartasunaren garrantziarekin jabetzea.  Demokraziaren sormen eta garapenari buruz hausnarketa egitea. Hiritartasun arduratsua bultzatzea.    IKT gaitasun digitalak sustatzea. Kultura arteko bizikidetzarako trebetasunak garatzea. Guzti hau bermatzeko ekintza  desberdinak garatuko dira: Eztabaida kritikoa sortzeko eta bultzatzeko taldearen bilerak. Europar Kluba. Gobernuz ...

Joan den ostiralean (Azaroak 22) pentsamenduaz gozateko aukera izan genuen.  Tailer ezberdinak. Filosofia beste ikuspuntutik ikusi genuen eta gainera pintxoak egon ziren. Primum vivere deinde philosophari GORA FILOSOFIA ETA FILOSOFOAK

Azaroaren 25ko honetan, berriz ere, bagatozkizue  esku hutsik, minduta. Urte luze honetan , berriz ere, emakumea EZ da  errespetatua izan, EZ da emakumearen askatasuna defenditu, EZ da emakumearen  bizitza zaindu. EZ dugu ulertzen zergatik etxerako bidean EZIN  gara lasai joan, goizez zein gauez.  EZ dugu ulertzen , oraindik ere,  sukaldeko trapu zikinak bagina bezala,  tratatzen gaituzten batzuek. EZ dugu ulertzen  gure harremanetan, -gure harreman guztietan-, zure  hitzek- gure hitzek- EZ dutela balore eta esanahi berbera : gorria  esaten denean zergatik ikusten duzue beltza? Eta beltza agertzen denean zergatik ikusten duzue zuria?  EZ handi bat zuen sudurren aurrean jartzen dizuegunean , zer EZ duzue ulertzen? zergatik EZ , eta EZ eta EZ,   EZETZ esaten dugunean ez da EZ … Eta EZETZ esaten dugunean ,  hori edo bestea hurbiltzen zaigunean      eta EZETZ borobila garras...